राजर्षी शाहू महाविद्यालयात ‘राष्ट्रीय मतदार दिन व मतदार शपथ’ उपक्रम उत्साहात साजरा.

  देवळाली/वेबटीम:-     मुख्य निवडणूक अधिकारी,महाराष्ट्र राज्य ,सावित्रीबाई फुले पूणे विद्यापीठ आणि राजर्षी शाहू महाविद्यालय,देवळाली प्रवरा र...

 देवळाली/वेबटीम:-

    मुख्य निवडणूक अधिकारी,महाराष्ट्र राज्य ,सावित्रीबाई फुले पूणे विद्यापीठ आणि राजर्षी शाहू महाविद्यालय,देवळाली प्रवरा राष्ट्रीय सेवा योजना व राज्यशास्र विभागाच्या  संयुक्त विद्यमाने आयोजित ‘राष्ट्रीय मतदार दिन व मतदार शपथ उपक्रम’हा कार्यक्रम दि.२५ जानेवारी,२०२२ रोजी सकाळी १०:३० वा. आभासी पद्धतीने गुगल मीट द्वारे राबविण्यात आला.  या उपक्रमामध्ये व्याख्यानाचे आयोजन करण्यात आले होते.या कार्यक्रमासाठी प्रमुख व्याख्याते म्हणून प्रा.सुरेश शहापुरे (राज्यशास्र विभाग,शिवछत्रपती कला व वाणिज्य महाविद्यालय,वडगाव,बु.पूणे ) हे लाभले होते.त्यांनी ‘जागरूक मतदार लोकशाहीचा आधार’ हा विषय होता. आपल्या व्याख्यानातून भारतातील लोकशाही राज्यघटना इतर देशापेक्षा किती मजबूत आहे.हे समजावून सांगितले.

मतदान दिनाच्या दिवशी नागरिकांची कर्तव्य,मुलभूत अधिकार,न्याय हक्क या सगळ्या गोष्ठीची सांगड घालून युवकांना मतदानाविषयी जागरूक राहण्यासंदर्भात मागर्दर्शन केले.  कार्यक्रमाच्या अध्यक्षा सौ.स्वाती हापसे हे होत्या. त्यांनी युवकांना कुठल्याही भूल-थापा व  आमिष यांना  बळी न पडता निस्वार्ती पणे मतदान केले पाहिजे असे आव्हान केले.प्रा.राजू साळवे यांनी विध्यार्थ्यांना मतदान जनजागृती विषयी शपथ दिली.कार्यक्रमाचे प्रास्ताविक व पाहुण्यांचे परिचय राज्यशास्र विभाग प्रमुख प्रा.डॉ.सतिश कटके यांनी करून दिले.व सूत्रसंचालन रा.से.यो कार्यक्रम अधिकारी  प्रा.बाळासाहेब फुलमाळी यांनी केले व आभार हि त्यांनी मानले.या आभासी कार्यक्रमासाठी प्राध्यापक,कार्यालयीन कर्मचारी व  विद्यार्थी मोठ्या संख्येने उपस्थित होते. राष्ट्रीय मतदार दिनाचा कार्यक्रम  महाविद्यालयात  उत्साहात पार पडला.