पठारे विद्यालयात हिवाळी क्रीडा स्पर्धा संपन्न

आंबी(वेबटीम)  राहुरी तालुक्यातील आंबी स्टोअर देवळाली प्रवरा येथील अस्मिता रुरल डेव्हलपमेंट फाउंडेशन संचलित स्व. विठ्ठलराव पठारे पाटील इंग्लि...

आंबी(वेबटीम)

 राहुरी तालुक्यातील आंबी स्टोअर देवळाली प्रवरा येथील अस्मिता रुरल डेव्हलपमेंट फाउंडेशन संचलित स्व. विठ्ठलराव पठारे पाटील इंग्लिश मिडीयम स्कुलमध्ये वार्षिक हिवाळी क्रीडा स्पर्धा यशस्वीरित्या संपन्न झाल्याची माहिती मुख्याध्यापक पल्लवी पठारे यांनी दिली.

पठारे विद्यालयात वर्षभर विविध उपक्रम राबविले जातात. त्याचाच एक भाग म्हणून वर्ष अखेरीस हिवाळी क्रीडा स्पर्धांचे यशस्वी आयोजन करण्यात आले होते. बौद्धिक विकासाबरोबरच शारीरिक विकास व्हावा हा उद्देश ठेऊन हिवाळी क्रीडा स्पर्धाचे आयोजन करण्यात आले होते. यावेळी खो-खो, रनिंग रेस, लांब उडी, उंच उडी, वाचन, लेखन स्पर्धा, अबॅकस, सोबतच लिंबू चमचा, पोत्यातल्या उड्या, वेगवेगळ्या बलून गेम्स, उलटी पळण्याची शर्यत, जंप ओव्हर रेस, बॉटल फिल्लिंग रेस, बॉल ट्युनल रेस, बोर्ड रिले अशा अनेक सांघिक फन गेम्स शारीरिक व बौद्धिक क्षमता वाढवणाऱ्या स्पर्धांचे विद्यालयात यशस्वी आयोजन करण्यात आले होते. यामध्ये यशस्वी झालेल्या विद्यार्थ्यांना प्रजासत्ताक दिनी पुरस्कृत केले जाणार आहे.

याकामी मुख्याध्यापिका पल्लवी पठारे यांचे मार्गदर्शन लाभले. संस्थेचे संस्थापक भागवत पठारे, संचालक ज्ञानेश्वर पठारे, उपशिक्षक श्रद्धा निद्रे, अंजली बेहळे, सारिका बागुल, अंजुम पठाण, राहुल साळुंके, संदिप चव्हाण, दत्तात्रय पठारे, मीरा पठारे, शिक्षकेतर कर्मचारी त्रिंबक भालसिंग, सुनिल हिंगे, कल्पना हुडे आदींनी मेहनत घेतली.