देवळाली प्रवरातील येथील 'या' व्यक्तीचा मृत्यू

  देवळाली प्रवरा(वेबटीम) राहुरी फॅक्टरीवरून देवळालीकडे दुचाकीवरून जात असलेल्या देवळाली प्रवरातील अशोक लोखंडे यांना अज्ञात वाहनाने धडक दिली.ध...

 देवळाली प्रवरा(वेबटीम)

राहुरी फॅक्टरीवरून देवळालीकडे दुचाकीवरून जात असलेल्या देवळाली प्रवरातील अशोक लोखंडे यांना अज्ञात वाहनाने धडक दिली.धडकेत लोखंडे हे जवळील ओढ्यात पडल्याने त्यांच्या डोक्याला गंभीर मार लागला व त्यातच ते मृत्यूमुखी पडले आहे.

याबाबत समजलेली माहिती अशी की, अशोक सुखदेव लोखंडे हे फॅक्टरी- श्रीरामपूर रोडवरून घरी जात असताना वडाच्या झाडाजवळील ओढ्यानजीक लोखंडे यांना अज्ञात वाहनाने जोराची धडक दिली या धडकेने लोखंडे ओढ्यात जाऊन पडले. लोखंडे यांच्या डोक्याला जबर मार लागला.

अपघातस्थळी वंचितचे तालुकाध्यक्ष संतोष चोळके,रुग्णवाहिका चालक रवी देवगिरे,पप्पू कांबळे यांनी तातडीने मदतकार्य करून लोखंडे यांना खासगी रुग्णालयात उपचारासाठी दाखल केले. त्यानंतर लोणी येथे प्रवरा रुग्णालयात हलविण्यात आले. वैद्यकीय सूत्रांनी त्यांना मृत म्हणून घोषित केले.

मयत लोखंडे यांच्या पश्चात आई वडील, दोन मुली,भाऊ,भावजय असा मोठा परिवार आहे. मयत लोखंडे यांच्या निधनाने सर्वांनीच हळहळ व्यक्त केली. सोशल मीडियावर मयत अशोक लोखंडे यांचे फोटो अपलोड करून शोक व्यक्त केला.

*(वाचकांसाठी- सदर अपघाताची बातमी सर्वप्रथम 'आवाज जनतेचा'पर्यंत पोहोचली होती.मात्र मयत कुटुंबातील घरातील सदस्यांना घटनेबद्दल माहिती नसल्याने काळजी म्हणून उशिरा बातमी वाचकांपर्यंत पोहोचवली. त्याबद्दल दिलगीर.. मृत आत्म्यास भावपूर्ण श्रद्धांजली)*