राहुरी फॅक्टरी येथील शांती चौक येथे साई खिचडी सांगता

  राहुरी फॅक्टरी/वेबटीम:- येथील शांती चौक मित्र मंडळाच्यावतीने गेल्या वर्षभर दर गुरुवारी ठिकठिकाणी आयोजित केलेल्या साई खिचडी कार्यक्रमाची सा...

 राहुरी फॅक्टरी/वेबटीम:-

येथील शांती चौक मित्र मंडळाच्यावतीने गेल्या वर्षभर दर गुरुवारी ठिकठिकाणी आयोजित केलेल्या साई खिचडी कार्यक्रमाची सांगता गुरुवार दिनांक ५ जानेवारी रोजी शांती चौक येथे मोठ्या उत्साहाच्या वातावरणात करण्यात येणार आहे.

सामाजिक व धार्मिक कार्यात अग्रेसर असलेल्या राहुरी फॅक्टरातील शांती चौक मित्र मंडळाच्यावतीने दर गुरुवारी राहुरी फॅक्टरी, देवळाली प्रवरा व परिसरातील श्री.साई सच्चरीत अध्याय वाचन केले जात असत.राहुरी येथील श्रीनिवास सहदेव अध्याय वाचन व निरूपण सेवा देत. यानिमित्ताने दर गुरुवारी ज्ञानदान व महाप्रसादाचे आयोजन करण्यात येत होते.हजारो भाविक महाप्रसादाचा लाभ घेत असत.तब्बल ५२ गुरुवारी हा कार्यक्रम संपन्न झाला. 

उद्या गुरुवार ५ जानेवारी रोजी श्री.साई सच्चरीत अध्याय वाचन करून या साई खिचडी कार्यक्रमाची भव्य सांगता होणार आहे.

यानिमित्ताने सायंकाळी ४ वाजता अध्याय वाचन, ५ वाजता शांती चौक येथून भव्य ग्रंथ मिरवणूक निघणार असून या मिरवणुकीत कलशधारी भगिनींनी सहभाग नोंदवावा. त्यानंतर सायंकाळी ७ वाजता ठिकठिकाणी साई खिचडी कार्यक्रम आयोजित करणाऱ्या ५३ मानकऱ्यांचा सन्मान व  तसेच साई भजनांचा कार्यक्रम संपन्न होणार असुन त्यानंतर भव्य महाप्रसाद वाटप होऊन या कार्यक्रमाची सांगता होणार आहे.

 तरी या कार्यक्रमात साई भक्त व भाविकांनी उपस्थित रहावे असे आवाहन शांती चौक मित्र मंडळ व साई भक्त परिवार यांच्याकडून करण्यात आले आहे.