सरकारी रुग्णालया समोर असलेल्या चौकाला लोकशाहीर अण्णाभाऊ साठे यांचे नाव देण्याची मागणी

राहुरी(प्रतिनिधी) राहुरी शहरातील नवीपेठ येथील सरकारी रुग्णालया समोर असलेल्या चौकाला लोकशाहीर अण्णाभाऊ साठे यांचे नाव द्यावे अशी मागणी लहूजी ...

राहुरी(प्रतिनिधी)

राहुरी शहरातील नवीपेठ येथील सरकारी रुग्णालया समोर असलेल्या चौकाला लोकशाहीर अण्णाभाऊ साठे यांचे नाव द्यावे अशी मागणी लहूजी क्रांती सेनेच्या वतीने करण्यात आली. कांतीलाल जगधने व निलेश जगधने यांच्या नेतृत्वाखाली मुख्याधिकारी सचिन बांगर यांना आज निवेदन देण्यात आले. 

         राहुरी शहराला पौराणिक राहू असूर संस्कृतीचा मोठा संदर्भ आहे. कष्ट करून जगणारे, न्यायाने वागणारे, स्वातंत्र्य समता ही मूल्य जपणारे लोक म्हणून असूर संस्कृतीचा उल्लेख केला जातो. तसेच ऐतिहासिक क्रांतिकारक चळवळी येथे घडल्या आहेत. संयुक्त राष्ट्राचा लढा चालू असताना अण्णाभाऊ साठे राहुरी तालूक्यातील सोनगाव सात्रळ येथील काॅम्रेड पी. बी. कडू पाटील यांच्या घरी वास्तव्यास होते. डाव्या, समाजवादी पुरोगामी विचारधारेने राहुरी शहराची जडणघडण केली आहे. आपण शहराच्या परंपरेला शोभणारे विचार व्यवहार करणे आपली जबाबदारी आहे. म्हणून शहराच्या मध्यवर्ती असलेल्या नवीपेठ येथील सरकारी रुग्णालया समोर असलेल्या चौकाला लोकशाहीर साहित्य सम्राट अण्णाभाऊ साठे यांचे नाव देण्यात यावे. अण्णाभाऊंच्या कार्यकर्तृत्वाने साहित्यिक चळवळ उभी केली. शाहिरीने जागतिक पातळीवर देशाचे नाव उंचावले आणि त्यांच्या चळवळीने संयुक्त महाराष्ट्राचे निर्मितीची मोट बांधली गेली, हे आपण सर्व जाणतो.

          म्हणून आपण सदरील चौकाला अण्णाभाऊ साठे हे नाव दिल्यास राहुरी शहराच्या पुरोगामी परंपरेला उजळ करणारे ठरेल. तसेच शाहीर, कलावंत, कार्यकर्ता, लेखक, विचारवंत या सर्व अष्टपैलू व्यक्तिमत्त्वाचा आदर्श घेऊन नवी पिढी शहराच्या भविष्याचा आधार बनेल आणि नगरपालिकेकडून झालेला अण्णाभाऊंच्या सन्मान अण्णाभाऊंचे अनुयायी कायम लक्षात ठेवतील. तरी नगरपरिषद प्रशासनाने हा निर्णय तातडीने घ्यावा. असे निवेदनात म्हटले आहे. 

          कांतीलाल जगधने व वंचित बहुजन आघाडीचे जिल्हा प्रवक्ते निलेश जगधने यांच्या नेतृत्वाखाली आज दिनांक २३ जानेवारी रोजी नगरपरिषदचे मुख्याधिकारी सचिन बांगर यांना दिलेल्या निवेदनावर माजी नगरसेवक सोन्याबापू जगधने, बाबाजी जगधने, नंदू शिंदे, पिंटूनाना साळवे, बाबासाहेब साठे, दिपक आव्हाड, अमोल जगधने, राजेंद्र जगधने, अभिषेक घोरपडे, आकाश जगधने, अमित जगधने, आदित्य आव्हाड, विकास जगधने, स्वप्निल जगधने, विशाल जगधने, शिरीष जगधने, करण बोरुडे, बाबासाहेब शेलार, पापाभाई बिवाल, संतोष जगधने, सचिन जोगदंड, कुणाल राऊत, राजेंद्र सरोदे, बलम पठाण, संदीप सरोदे, अतुल वाघमारे आदींच्या साह्या आहेत.