अहमदनगर(वेबटीम) नाशिक पदवीधर मतदारसंघ निवडणुकीचा निकाल जाहीर झाला असून सत्यजीत तांबे यांच्या विजयाची कार्यकर्ते जल्लोषाची तयारी करत असताना...
अहमदनगर(वेबटीम)
नाशिक पदवीधर मतदारसंघ निवडणुकीचा निकाल जाहीर झाला असून सत्यजीत तांबे यांच्या विजयाची कार्यकर्ते जल्लोषाची तयारी करत असताना सत्यजीत तांबे यांनी विजय साजरा करणार नाही अशी पोस्ट ट्विट केली आहे.
कारण सत्यजित तांबे यांचा कार्यकर्ता आणि नाशिक ग्रामीण युवक काँग्रेसचे जिल्हाध्यक्ष मानस पगार यांचे निधन झाले आहे. आज पहाटे मानस पगार यांचे अपघाती निधन झाले आहे.
सत्यजीत तांबे यांच्या बंडखोरीनंतरही मानस पगार त्यांच्यासोबत उभे होते. सत्यजीत तांबे यांच्या प्रचारातही ते दिसून आले होते. मात्र आपण काँग्रेसमध्ये आहोत आणि काँग्रेसमध्येच राहणार असं स्पष्टपणे मानस पगार यांनी सांगितलं होते. मानस पगार यांच्या अपघाती निधनाची वार्ता कळताच अनेकांना दुःख अनावर झाले आहे.
सत्यजित तांबे यांनी सोशल मीडियावर ट्विट केली असून यात म्हंटले की, विजयोत्सव साजरा करणार नाही, माझा मित्र मानस पगार आज आपल्यातून गेलाय, त्यामुळे कोणताही आनंदोत्सव नाही. सर्व सहकाऱ्यांना विनंती आहे, कृपया संयम राखावा. मी ३ ते ७ फेब्रुवारीला संगमनेर येथे सर्वांना भेटणार आहे, त्यामुळे कोणतीही घाई करु नये, ही विनंती.
कोणत्याही टिप्पण्‍या नाहीत