राहुरी तालुक्यातील गुहा येथील कानिफनाथ देवस्थान जवळील अनधिकृत अतिक्रमणे हटवा नाथ भक्तांचे तहसीलदारांना निवेदन,२४ मार्चपासून आमरण उपोषणाचा इशारा

राहुरी फॅक्टरी/वेबटीम:- राहुरी तालुक्यातील गुहा येथील कानिफनाथ देवस्थान जवळील इनामी शेतजमीन गट नंबर 20 ते 24 व 26 ते 31 यातील सर्व अनाधिकृत ...

राहुरी फॅक्टरी/वेबटीम:-

राहुरी तालुक्यातील गुहा येथील कानिफनाथ देवस्थान जवळील इनामी शेतजमीन गट नंबर 20 ते 24 व 26 ते 31 यातील सर्व अनाधिकृत असलेले बांधकामे त्वरित काढावे या मागणीसाठी गुहा येथील नाथ भक्तांनी तहसीलदार नामदेव पाटील यांना निवेदन दिले आहे व त्याचबरोबर अतिक्रमण हटवली नाही तर २४ मार्चपासून आमरण उपोषण करण्याचा इशारा देखील नाथ भक्तांच्या वतीने देण्यात आला आहे.

 कानिफनाथ देवस्थान गुहा येथील या अगोदरही अनधिकृत बांधकाम काढण्यासाठी 2016 पासून मुख्यमंत्री, उपमुख्यमंत्री, गृहमंत्री, जिल्हाधिकारी, प्रांताधिकारी, तहसीलदार यांना अनेक वेळा नाथ भक्तांच्या वतीने येथील अनाधिकृत अतिक्रमणे काढण्यासाठीचे निवेदन देण्यात आले होते.मात्र अध्याप हे अतिक्रमणे काढली नसताना नाथ भक्तांच्या वतीने तहसीलदार नामदेव पाटील यांना निवेदन देऊन अतिक्रमणे काढा अन्यथा 24 मार्चपासून आमरण उपोषण करण्याचा इशारा दिला आहे.

 यावेळी आबासाहेब कोळसे, किरण कोळसे, मच्छिंद्र कोळसे, ऋषिकेश बांगरे,शशिकेश कोळसे,अँड प्रसाद कोळसे, सचिन कोळसे आदींसह नाथ भक्त उपस्थित होते.